विन्दत्यायुर्वेत्ति सम्यगाकृत्यौषधिहेतुतः ।
यस्मिन्नृग्वेदोपवेदः स चायुर्वेदसंज्ञकः ॥ ३७ ॥
अन्वयः—यस्मिन् आयुः विन्दति आकृत्या औषधिहेतुतः सम्यक् वेत्ति, सः ऋग्वेदोपवेदः आयुर्वेदसंज्ञकः ॥ ३७ ॥
व्याख्या—यस्मिन् = विदिते भागे, तदनुष्ठानात् आयुः = दीर्घजीवनम् विन्दति = प्राप्नुवति यस्मिंश्च, आकृत्या = रोगाणां स्वरूपज्ञानेन, औषधिहेतुतः = चिकित्साविज्ञानेन, हेतुतः= कारणेन, आयुः= जीवनम्, वेत्ति = जानाति, रोगाणामिति भावः, सः = संहिताभागः, ऋग्वेदस्योपवेदः, आयुर्वेदसंज्ञकः = आयुर्वेदाख्य इति ॥ ३७ ॥
हिन्दी — जिसमें बतलाई गई विधि का पालन करने से मनुष्य दीर्घजीवी होता है और जिसके द्वारा रोगों के लक्षण, उपयुक्त औषधि एवं चिकित्सा का ज्ञान प्राप्त होता है; उसकी आयु का पता चलता है, वह ऋग्वेद का उपवेद आयुर्वेद कहलाता है ॥ ३७ ॥
विन्दतीति । यस्मिन् विदिते इति भावः, आयुः विन्दति लभते जन इति शेष:, तद्विहितस्य अनुष्ठानात् दीर्घायुर्लाभ इति भावः, यस्मिंश्च आकृत्या रोगाणामाकारज्ञानेन ओषधिहेतुतः ओषधिविज्ञानेन च हेतुना इत्यर्थः, आयुः वेत्ति जानाति रोगिणामिति शेषः, सः ऋग्वेदस्य उपवेदः आयुर्वेदसंज्ञक आयुर्वेद इति नाम्ना प्रसिद्धः ॥ ३७ ॥
Та, следуя упомянутому методу, (которому) человек становится долгоживущим и с помощью которой получают знания о симптомах болезней, подходящем лекарстве и лечении, (а также) как сохранить долгожительство, называется Упаведой (подВедой) Ригведы или Аюрведа.