युद्धशस्त्रास्त्रव्यूहादिरचनाकुशलो भवेत् ।
यजुर्वेदोपवेदोऽयं धनुर्वेदस्तु येन सः ॥ ३८ ॥
अन्वयः–येन युद्धशस्त्रास्त्रव्यूहादिरचनाकुशलो भवेत्, सः अयं यजुर्वेदोपवेदः धनुर्वेदो
भवति ॥ ३८ ॥व्याख्या— येन = ज्ञानेन, युद्धेषु = समरेषु, शस्त्रेषु = प्रहरणेषु, अस्त्रेषु = आयुधेषु, व्यूहादि = सैन्यादि, रचनासु = विन्यासेषु, च, कुशलः = दक्षः, भवेत् = स्यात्, यजुर्वेदस्य = यजुः श्रुतेः, उपवेदः= प्रधानवेदातिरिक्तगौणवेदः, धनुर्वेदः = धनुर्विद्यानिरूपकशास्त्रम्, इति ख्यातः॥३८॥
हिन्दी — जिस वेद के ज्ञान से मानव युद्ध में आयुध-प्रहार एवं सैन्यसंस्थापन रचना में कुशल होता है, वह वेद यजुर्वेद का उपवेद धनुर्वेद कहलाता है॥३८॥
युद्धेति । येन ज्ञातेन इत्यर्थः, युद्धेषु शस्त्रेषु अस्त्रेषु व्यूहादिरचनासु च कुशलः निपुणः भवेत्
यजुर्वेदस्य उपवेदः, स च धनुर्वेद इति ख्यातः॥३८॥
Веда, благодаря знанию которой человек становится опытным в военном деле и в создании военных укреплений, эта Веда называется Дханурведа (Дхануш — лук), подведа Яджурведы.